8-9 noyabr tarixlərində Kiprin Limassol şəhərində UEFA-nın üzv assosiasiya nümayəndələrinin iştirakı ilə “UEFA-nın Klubların Lisenziyalaşdırılması və Maliyyə Dayanıqlığı” mövzusunda illik konfrans keçirilib.
Konfransda AFFA-nın Klubların Lisenziyalaşdırılması Departamentinin direktoru Elçin Məmmədov və maliyyə meyarları üzrə ekspert Aynur Abdullayeva iştirak ediblər.
Konfransda aşağıdakı mövzular müzakirə olunub:
• Ötən lisenziyalaşdırma mövsümünün icmalı;
• Kiprdə futbolun inkişafı;
• Klubların Lisenziyalaşdırılması və Maliyyə Dayanıqlığı qaydalarında yeniliklər;
• UEFA-nın klub yarışlarında növbəti mövsümdən etibarən baş verəcək dəyişikliklər;
• Klubların Lisenziyalaşdırılmasında hüquqi məsələlər;
• Qadın futbolu və klubların lisenziyalaşdırılması və s.
Konfrans zamanı “Qadın futbolunda standartlarının yüksəldilməsi” mövzusunda aparılmış müzakirələrdə Klubların Lisenziyalaşdırılması Departamentinin direktoru Elçin Məmmədov iştirak edib.
