Azərbaycan milli komandası “FIFA series – Edition 2024” layihəsi çərçivəsində bu gün ilk oyununu keçirib.
Millimiz Tofiq Bəhramov adına Respublika stadionunda Monqolustan yığması ilə qarşılaşıb. Oyun komandamızın 1:0 hesablı qələbəsi ilə başa çatıb. Millimizin yeganə qolunu 90+1-ci dəqiqədə Bəhlul Mustafazadə vurub.
Qeyd edək ki, Azərbaycan milli komandası “FIFA series – Edition 2024” layihəsi çərçivəsində son oyununu martın 25-də, saat 20:00-da Bolqarıstan yığmasına qarşı keçirəcək. Qarşılaşma Tofiq Bəhramov adına Respublika stadionunda baş tutacaq.