UEFA Çempionlar Liqasındakı təmsilçimiz “Qarabağ” turnirin birinci təsnifat mərhələsində ilk oyununu keçirib. Səfərdə Cəbəllütariqin “Linkoln” klubu ilə qarşılaşan təmsilçimiz 2:1 hesablı qələbə qazanıb. “Qarabağ”ın qollarını 58-ci dəqiqədə Redon Cica və 90+4-cü dəqiqələrdə Yassin Benzia vurub. Bu komandalar arasında cavab qarşılaşması iyulun 19-da saat 20:00-da Bakı Olimpiya Stadionunda olacaq.