“Qarabağ” mübarizəni Avropa Liqasında davam etdirəcək

Təmsilçimiz Çempionlar Liqasının ikinci mərhələsinin cavab oyunu çərçivəsində Bakı Olimpiya Stadionunda Polşanın "Rakuv" klubu ilə qarşılaşıb. Qarşılaşma 1:1 hesabı ilə başa çatıb. “Qarabağ”ın heyətində 60-cı dəqiqədə Redon Cica fərqlənib. Təmsilçimiz iki oyunun nəticəsinə əsasən, Çempionlar Liqasında çıxışını dayandırsa da, mübarizəni Avropa Liqasının üçüncü təsnifat mərhələsində davam etdirəcək. “Qarabağ” liqanın bu mərhələsində Finlandiyanın HİK klubu ilə qarşılacaq.

Qeyd edək ki, Avropa Liqasında üçüncü təsnifat mərhələsinin oyunları 10-17 avqust tarixlərində keçiriləcək.