“FIFA series – Edition 2024” layihəsi çərçivəsində bu gün Tofiq Bəhramov adına Respublika stadionunda keçirilən Azərbaycan – Monqolustan oyunundan sonra təşkil edilən mətbuat konfransında millimizin məşqçisi Arif Əsədovun səsləndirdiyi fikirləri diqqətinizə çatdırırıq:
"Yeni ildə ilk qələbə idi. Futbolçuları təbrik edirəm. Çətin oyun olacağını bilirdik. Rəqibin müdafiədən oynadığını təhlillərimizdə görmüşdük. Məşqlərdə bunun üzərində işləmişdik. Belə matçlarda ilk dəqiqələrdə qol vurmaq lazımdır ki, ardı gəlsin. Qələbə qazanacağımıza inanırdım".
