az en
News / Baş katib Məşqçilər Komitəsi ilə görüşüb

Baş katib Məşqçilər Komitəsi ilə görüşüb

Məşqçilər Komitəsi Dərc olundu: 13.12.2018 Çap
AFFA-nın inzibati binasında baş katib Elxan Məmmədovla Məşqçilər Komitəsinin yeni tərkibdə ilk görüşü keçirilib.
Baş katib Məşqçilər Komitəsi ilə görüşüb
Baş katib komitənin yeni üzvləri Şahin Diniyev və Yaşar Vahabzadəyə fəaliyyətlərində uğurlar arzulayıb. Bir sıra aktual mövzular ətrafında müzakirələrin aparıldığı görüşdə Azərbaycan milli komandası və aşağı yaş qruplarından ibarət yığmaların baş məşqçisi vəzifəsinə namizədlərlə bağlı Məşqçilər Komitəsi tərəfindən təklif və tövsiyələrin hazırlanaraq baş katibliyə təqdim edilməsi xahiş olunub. Eyni zamanda, qeyd edilib ki, baş məşqçi namizədləri ilə keçiriləcək müsahibə-görüşlərdə Məşçilər Komitəsi də iştirak edəcək.
Xatırladaq ki, AFFA İcraiyyə Komitəsinin 8 dekabr 2018-ci il tarixli iclasında Şahin Diniyev və Yaşar Vahabzadənin Məşqçilər Komitəsinin üzvü təyin olunması barədə qərar qəbul edilib.
 
Baş Sponsor 
Partnyorlar