Azərbaycanın UEFA Çempionlar Liqasındakı təmsilçisi “Qarabağ” bu gün III təsnifat mərhələsində ilk oyununa çıxacaq. Komanda Şimali Makedoniyanın “Şkendiya” kollektivinin qonağı olacaq.
Skopyedə yerləşən “Todor Proeski” stadionunda keçiriləcək görüş Bakı vaxtı ilə saat 22:00-da başlanacaq. Slovakiyadan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.
5 avqust
“Şkendiya” (Şimali Makedoniya) – “Qarabağ” (Azərbaycan)
“Todor Proeski” stadionu. Saat 22:00
Baş hakim: İvan Kruzlyak
Baş hakimin köməkçiləri: Branislav Hançko, Yan Pozor
Dördüncü hakim: Peter Kraloviç
VAR: Mixal Oçenyaş
AVAR: Boris Marhefka
(Hakimlər briqadası Slovakiyadandır)
