Azərbaycanın UEFA Konfrans Liqasındakı təmsilçisi “Zirə” bu gün pley-off mərhələsində cavab oyununa çıxacaq. Komanda Bakıda Kiprin “Omoniya” kollektivini qəbul edəcək.
“Dalğa Arena”da keçiriləcək görüş saat 20:00-da başlayacaq. Latviyadan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.
Qeyd edək ki, komandalar arasında Nikosiyada keçirilən ilk matçda “Omoniya” 6:0 hesablı qələbə qazanıb.
29 avqust
“Zirə” – “Omoniya”
Dalğa Arena. Saat 20:00
Baş hakim: Vitālijs Spasjoņņikovs
Baş hakimin köməkçiləri: Raimonds Tatriks, Arturs Šakurovs
Dördüncü hakim: Aleksandrs Anufrijevs
VAR hakimləri: Andrejs Gluhovs, Jevgenijs Keziks
(Hakimlər briqadası Latviyadandır)
