Ümumi məlumat
UEFA C məşqçilik kursu UEFA məşqçi inkişaf yolunun başlanğıc səviyyəsidir və kütləvi, eləcə də uşaq-gənclər futbolunda fəaliyyət göstərən məşqçilərin inkişafını dəstəkləmək məqsədilə keçirilir.
Kurs AFFA tərəfindən UEFA-nın Məşqçilik Konvensiyasına uyğun olaraq praktiki yanaşma əsasında təşkil olunur və iştirakçıların real məşq mühitində işləmək bacarıqlarını inkişaf etdirir.
Kursun məzmunu
Kurs aşağıdakı istiqamətləri əhatə edir:
- Oyunçu inkişafı və yaşa uyğun məşq yanaşmaları;
- Məşq prosesinin planlaşdırılması və idarə olunması;
- Oyun qaydaları;
- Məşq metodikası və ünsiyyət bacarıqları;
- Oyun əsaslı öyrənmə və qərarvermə;
- Oyunçu rifahı, təhlükəsizlik və uşaqların müdafiəsi;
- Özünüqiymətləndirmə və davamlı inkişaf.
Kursun müddəti: 2.5 ay (ümumi 94 saat (62% nəzəri/38% praktiki))
Kursun keçirilmə formatı: nəzəri hissə AFFA-da, praktiki hissə isə meydanda və iştirakçıların fəaliyyət göstərdiyi mühitdə keçirilir.
Kimlər üçün nəzərdə tutulub?
- Kütləvi və həvəskar futbolda çalışan məşqçilər;
- Futbol akademiyalarında işləyən məşqçilər;
- Məşqçilik fəaliyyətinə yeni başlayan şəxslər;
- Futbolçu karyerasını başa vuraraq məşqçiliyə maraq göstərən şəxslər;
- UEFA məşqçilik pillələri üzrə inkişaf etmək istəyən şəxslər.
Seçim meyarları
- Namizədlər aşağıdakı meyarlar əsasında qiymətləndirilir;
- Futbol sahəsində aktiv fəaliyyət (məşqçi, müəllim və ya könüllü kimi);
- Motivasiya və inkişaf istəyi;
- Futbol üzrə ilkin biliklər;
- Kursun bütün mərhələlərində iştirak imkanı;
- Komanda və ya məşq mühitinə çıxışın olması üstünlükdür;
- AFFA D sertifikatı və ya ona bərabər giriş səviyyəli məşqçilik kvalifikasiyasının olması üstünlükdür.
Əlavə məlumat
- Kurs üzrə bir qrup üçün maksimum 20 nəfər seçilir;
- UEFA C lisenziyası məşqçi inkişaf yolunun növbəti pillələrinə keçid üçün əsasdır (UEFA B, UEFA B Qapıçı və UEFA B Fitness kursları);
- Lisenziya kurs müddətində iştirakçıların nəzəri bilikləri, məşq prosesində iştirakı, praktiki sesiyalardakı performansı və yekun imtahanlar əsasında verilir.
- Təlim ödənişlidir. Təlim haqqı: 500 AZN
Qəbul prosesi və qeydiyyat
- Seçim prosesi elektron ərizə forması vasitəsilə həyata keçirilir. Ərizələrin ilkin qiymətləndirilməsi əsasında seçilmiş namizədlər test və müsahibə mərhələlərinə dəvət olunurlar.
- Bütün seçim mərhələlərini uğurla tamamlayan şəxslər kursda iştirak üçün tələb olunan sənədləri təqdim etdikdən və müvafiq tələbləri yerinə yetirdikdən sonra qəbul edilirlər.
Növbəti kursun başlanğıc tarixi: 19 may 2026
Təlimin keçiriləcəyi yer: Bakı şəhəri
Son müraciət tarixi: 4 may 2026
