AFFA tərəfindən “C” və UEFA-nın “B”, “A” və “Pro” kateqoriyalı məşqçi kursları keçirilir. Siz ilk növbədə “C” kateqoriyalı məşqçi kurslara qatıla bilərsınız. C lisenziya ilə siz Azərbaycan Futbol Federasiyaları Assosiasiyasının və UEFA konvensiyasını imzalayan ölkələrin ərazisində məşqçilik fəaliyyəti göstərə bilərsiniz. Ən son konvensiyaya uyğun olaraq AFFA C lisenziyasi 2022-ci ilin əvvəlindən etibarən UEFA C lisenziyası ilə əvəz olunur.
UEFA C lisenziyası kursları modullar ve modullararası praktika həftələri formatında keçirilir və 45 gün davam edir. Bütün UEFA lisenziyaları kurslarında olduğu kimi, UEFA C lisenziyası kurslarında da, iştirakçıların hər biri kurs ərzində müvafiq (U-13-dək) komandada mütəmadi olaraq praktiki məşqlər keçməli, komandanı oyunlara çıxarmalı və işlədiyi komandada görülən fəaliyyətlərə dair logbook (yazılı detallı hesabat) yaratmalıdır. Bu lisenziya ilə siz uşaqlara və yeniyetmələrə məşq keçə bilərsiniz.
