Sentyabrın 20-də “Avropa Mobillik Həftəsi” çərçivəsində Azərbaycan Yerüstü Nəqliyyat Agentliyi (AYNA) tərəfindən “Avtomobilsiz Gün” tədbiri keçirilib
Tədbir çərçivəsində Yasamal rayonunun Məhəmməd Naxçıvani küçəsi saat 10:00-dan 20:00-dək nəqliyyatın hərəkəti üçün bağlanaraq piyadaların və sakinlərin istifadəsinə verilib.
AFFA tərəfindən tədbir çərçivəsində ərazidə mini futbol meydançası quraşdırılıb.Meydançada futbol həvəskarları, eləcə də AFFA-nın sosial layihələrində iştirak edən uşaqlar futbol oynayıblar.
“Avtomobilsiz Gün”ün keçirilməsində əsas məqsəd şəhər mobilliyində alternativ nəqliyyat vasitələrindən istifadənin təşviq edilməsi, daha təhlükəsiz və dayanıqlı şəhər mühitinin formalaşdırılmasına diqqətin artırılmasıdır.
