19 yaşadək futzalçılardan ibarət Azərbaycan milli komandası AFFA-nın təşkilatçılığı ilə Ulu Öndər Heydər Əliyevin anadan olmasının 100 illiyi ilə əlaqədar təşkil olunan beynəlxalq turnirdə bu gün növbəti oyununu keçirib.
Mərakeşin müvafiq yaş qrupundan ibarət komandası ilə qarşılaşan millimiz 1:5 hesabı ilə məğlub olub. U-19-un yeganə qolunu penaltidən Mirzə Əmirov vurub. Qeyd edək ki, turnirə noyabrın 30-da, Bakı İdman Sarayında keçiriləcək Mərakeş – Belarus oyunu ilə yekun vurulacaq.
