17 yaşadək futbolçulardan ibarət Azərbaycan milli komandası 2026/2027-ci illər mövsümündə UEFA U-17 Avropa çempionatının I seçmə mərhələsinin ilk oyununu keçirib.
Almaniyanın müvafiq yaş qrupundan ibarət komandası ilə qarşılaşan millimiz 0-7 hesabı ilə məğlub olub. Görüş Almaniyanın Frankfurt şəhərində yerləşən “DFB Kampus”da keçirilib.
Qeyd edək ki, millimiz növbəti oyununu noyabrın 14-də Bakı vaxtı ilə saat 19:30-da Şimali İrlandiya yığmasına qarşı keçirəcək. Qarşılaşma “DFB Kampus”da baş tutacaq.
