2024/2025-ci illər mövsümü üçün Azərbaycan Futbol Federasiyaları Assosiasiyası tərəfindən Həvəskarlardan ibarət komandalar arasında keçirilən AFFA Region Liqasının

 

 

 

1.1 Bu qaydalar liqada iştirak edən komandaların və təşkilinə cəlb olunmuş digər üzvlərin hüquqlarını, vəzifələrini və məsuliyyətini müəyyən edir.

 

 

2.1 AFFA Region Liqası aşağıdakı məqsədlər üçün keçirilir:

• Turnirin qalibini müəyyən etmək;

• Regionlarda futbola marağın artırılması;

• Region komandalarının inkişafına dəstək;

• Futbolçuların ustalığının yüksəldilməsi;

• Sağlam həyat tərzinin təbliği;

• Kütləviliyin artırılması;

• Mövsümün yekununda komandaların tutduqları yerlərin müəyyən edilməsi.

 

 

3.1 Region Liqasının keçirilməsini və nəzarəti AFFA-nın işçi qrupu (Regional Futbol Federasiyaları İctimai Birliyi, Məşqçilər Komitəsi, Kütləvi Futbol Departamenti, Azərbaycan Həvəskarlar Futbol Federasiyası, Uşaq və Gənclər üzrə Yarışların Təşkili şöbəsi) həyata keçirir.

 

 

                                                                   

 

4.1 Region Liqasında klublara və komandalara iştirak hüququnu AFFA-nın işçi qrupu verir.

4.2 Region Liqasında bir klub bir ad altında bir komanda ilə təmsil oluna bilər.

4.3 Region Liqasında iştirak etmək istəyən komandalar 01.10.2024-cü il tarixinədək AFFA-nın işçi qrupuna müraciət edərək, qeydiyyatdan keçməlidir. AFFA Region Liqasında iştirak hüququ üçün komandanın nəqliyyat və digər xərclərini təmin edəcək sponsor və ya şirkət tərəfindən təminat məktubu, eləcə də ev oyunlarını keçirəcəyi stadiondan təminat məktubu və ya icarə müqaviləsi təqdim edilməlidir. İştirak hüququ ilə bağlı AFFA-nın işçi qrupu tərəfindən qərar 7 (yeddi) gün ərzində verilir.

 

 

5.1 Hər bir futbolçu eyni zamanda yalnız bir klubda qeydiyyatda ola bilər.

5.2 AFFA Region Liqasında Azərbaycan vətəndaşı olmayan oyunçular sifariş edilə bilməz. İstisna hallar aşağıdakılardır:

5.3 Mövsüm ərzində peşəkar müqaviləsi olan oyunçu, Region Liqasında müvafiq mövsüm ərzində transfer oluna bilməz. 2024/25-ci illər mövsümündə Azərbaycan Premyer Liqası, I və II Liqada, eyni zamanda Əvəzedicilərin liqasında qeydiyyatdan keçmiş, peşəkar müqaviləsi olan oyunçu AFFA Region Liqasında iştirak edə bilməz.

5.4 Futzal Yüksək Liqa, Birinci Liqa və İkinci Liqada iştirak edən oyunçu AFFA Region Liqasında iştirak edə bilər.

5.5 Futbolçuların statusu və transferi ilə əlaqədar yaranan mübahisələrə AFFA Oyunçuların Statusu və Transferi haqqında Əsasnaməyə müvafiq olaraq AFFA Oyunçuların Statusu və Transferi Komitəsinin Prosedur Qaydalarında göstərildiyi qaydada baxılır.

5.6 Yalnız transfer pəncərəsi dövründə edilən müraciətlərin qərarı cari mövsüm ərzində icra oluna bilər. Qrup mərhələsindəki son oyunlar başa çatdıqdan sonra transfer pəncərəsi açıq elan ediləcək və bu barədə komandalara yazılı surətdə rəsmi məlumat veriləcəkdir.

5.7 AFFA Oyunçuların Statusu və Transferi Komitəsinin qərarlarından şikayət vermə qaydası Apellyasiya Arbitraj Tribunalının Əsasnaməsinə uyğun olaraq müəyyən olunur.

5.8 Futbolçuların mövsüm ərzində əlavə sifarişi və transferləri aşağıda göstərilmış qaydalar üzrə həyata keçirilməlidir:

a) AFFA-nın işçi qrupu tərəfindən öncədən müəyyənləşdirilmiş transfer dövründə klubun əlavə sifariş və transfer etmək hüququna məhdudiyyət yoxdur.

b) Mövsümün əvvəlində futbolçuya verilən lisenziya mövsümün sonunadək həmin futbolçunun kluba məxsus olduğunu göstərir.

5.9 Bütün təqdim olunan sənədlərə görə klub və baş məşqçi məsuliyyət daşıyır.

 

 

6.1. Mövsüm ərzində aşağıda göstərilmiş hallar sənədlərin saxtalaşdırılması kimi qəbul olunur:

a) Sifariş zamanı təqdim olunan saxta sənədlər:

• Doğum haqqında şəhadətnamə;

• Şəxsiyyət vəsiqəsi;

• Tibbi arayış;

• Elektron formatda təqdim olunan fotoşəkil (3x4);

• Müqavilə.

b) Bir futbolçunun digər futbolçuya məxsus olan lisenziya ilə oyundan öncə, oyun zamanı, fasilədə oyuna buraxılma cəhdi və ya iştirakı

c) Lisenziyasız futbolçunu oyundan öncə, oyun zamanı, fasilədə oyuna buraxılma cəhdi və ya iştirakı

d) Cari mövsümdə peşəkar futbol oynamış futbolçunun Region Liqasında oynaması

e)Qeydiyyat qaydalarında tələb olunan sənədlərə bilərəkdən həqiqi olmayan məlumatı vermək məqsədilə edilən dəyişikliklər sənəd saxtalaşdırılması kimi qəbul edilir

 

 

7.1 İştirakçı klub və ya komandalar bu əsasnamənin hər bir bəndinə riayət etməlidirlər.

7.2 İştirakçı klub və ya komandalar FİFA tərəfindən tərtib olunmuş Fair Play prinsiplərinə riayət etməlidirlər.

7.3 Klub onu təmsil edən hər hansı bir şəxsin (futbolçular, rəsmi şəxslər, azarkeşlər və b.) davranışlarına məsuliyyət daşıyır.

7.4 Ev sahibi komanda oyun zamanı stadionda təhlükəsizliyə məsuliyyət daşıyır. Komanda oyuna 15 dəqiqə qalmış meydanın ərazisini polis əməkdaşları ilə təmin etməlidir. (Polis olmadan baş hakim oyunu başlaya bilməz). Oyundan əvvəl, oyun zamanı və ya oyundan sonra stadionda və ona bitişik ərazidə ictimai asayiş və təhlükəsizliyə ev sahibi komanda məsuliyyət daşıyır. Qeyd olunan ərazilərdə klub və ya onun azarkeşləri tərəfindən stadiona zərər yetirilərsə, dəymiş zərər klub tərəfindən ödənilir. Hadisəni törədən klub aşkar edilməzsə və ya hadisə klublar üçün ayrılmış sektorda baş verməzsə, o zaman meydan sahibi qismində çıxış edən komanda dəymiş zərərin əvəzini stadiona ödəyir.

7.5 Komanda üzürlü səbəb olmadan oyuna gəlməzsə, ev sahibi komanda oyunu keçirmək üçün lazımi tədbirlər həyata keçirməzsə bu zaman ona texniki məğlubiyyət verilir. Bu hal üçüncü dəfə təkrarlandığı halda komanda AFFA-nın bayrağı altında keçirilən bütün yarışlardan xaric olunur.

7.6 Ev sahibi komanda oyunu 5 topla təchiz etməlidir.

7.7. Təcili Tibbi Yardım maşını və ya həkim briqadası oyuna 15 dəqiqə qalmış meydanın ərazisində olmalıdır (Təcili Tibbi Yardım maşını və ya həkim briqadası olmadan baş hakim oyunu başlaya bilməz). Ev sahibi komanda Təcili Tibbi Yardım maşını və ya həkim briqadasının vaxtında meydanda olmasına məsuliyyət daşıyır. Oyunun başlama saatından 30 dəqiqə ərzində polis və Təcili Tibbi Yardım maşını və ya həkim briqadası ev sahibi komanda tərəfindən təmin edilmədikdə hakim oyunun protokolunu bağlaya bilər.

7.8. Ev sahibi komanda hakimlər və rəqib komandanı paltardəyişmə otağı ilə təmin etməlidir.

7.9.  Hər klub və ya komanda əlaqələndirici şəxs təyin etməlidir, əlaqə nömrəsini, elektron poçtun ünvanını (e-mail) UGYTŞ-yə təqdim etməlidir.

 

Oyun forması ilə bağlı qaydalar:

 

7.10 Forma seçimində üstünlük ev sahibi komandaya verilir.

7.11 Futbolçunun oyun formasının kürəyində nömrəsi olmalıdır. Nömrə formadan tam seçilməlidir. Futbol corablarının (getri) altında qoruyucular (şitki) olmalıdır.

7.12 İştirakçı klub və ya komanda sponsorun loqosunu futbol maykasının üzərində əks etdirmək istədikdə bu haqda öncədən AFFA-nın işçi qrupuna məlumat verməli və razılaşdırmalıdır.

 

8.1 AFFA-nın rəsmi internet səhifəsində (www.affa.az) ”Futbola Qoşul” onlayn qeydiyyat sistemində oyunçu və digər iştirakçıların qeydiyyat qaydaları təqdim edilib.

8.2 Yuxarıda göstərilən hallar aşkarlanarsa, bu cəzalar AFFA İntizam Komitəsi tərəfindən tətbiq oluna bilər:

a) Oyunçunun iştirak etdiyi bütün oyunların nəticələrinin ləğvi (texniki məğlubiyyət);

b) Oyunçunun lisenziyasının ləğvi;

c) Məşqçinin yarışda iştirak etmək üçün verilən lisenziyasının 12 aylıq ləğvi ;

d) Məşqçinin məşqçilik lisenziyasının (Pro, A, B, C) ləğvi;

e) Kluba və ya təmsil etdiyi quruma xəbərdarlıq məktubunun göndərilməsi;

f) Məşqçinin futbolla bağlı fəaliyyətdən 12 aylıq uzaqlaşdırılması;

g) İntizam Məcəlləsində nəzərdə tutulan digər cəzalar.

 

 

9.1 “Region Liqası” 8 qrupa bölünməklə təşkil olunacaq. (A;B;C;D;E;F;G və H)

A qrupunda 8, B qrupunda 7, C qrupunda isə 7 komanda 1 dövrədən ibarət sistemlə mübarizə aparmaqla hər qrupdan ilk 2 yerdə qərarlaşan komanda play-off mərhələsinə vəsiqə qazanacaqdır. D qrupunda 7, E qrupunda 6 komanda 1 dövrədən ibarət sistemlə mübarizə aparmaqla  hər qrupdan ilk 2 yerdə qərarlaşan komanda play-off mərhələsinə vəsiqə qazanacaqdır. F qrupunda 8 komanda  1 dövrədən ibarət sistemlə mübarizə aparmaqla ilk 2 yerdə qərarlaşan komanda play-off mərhələsinə vəsiqə qazanacaqdır. G qrupunda 6, H qrupunda 5 komanda 1 dövrədən ibarət sistemlə mübarizə aparmaqla  hər qrupdan ilk 2 yerdə qərarlaşan komanda play-off mərhələsinə vəsiqə qazanacaqdır.

• 1/8 final mərhələsində qarşılaşacaq qruplar püşkatma yolu ilə müəyyənləşəcək və qruplarda 1-ci yerdə qərarlaşan komandalarla müvafiq olaraq 2-ci yerdə qərarlaşan komandalar qarşılaşacaqdır.

• 1/8 final mərhələsinə yüksələn 16 komandanın hər biri rəqibi ilə bu mərhələdə 1 görüşdən ibarət oyun olmaqla qalibi müəyyənləşdirəcəkdir. Bu mərhələdə qruplarda 1-di yerdə qərarlaşan komandalar ev sahibi qismində çıxış edəcəklər. 1/8 final oyununda 90 dəqiqə ərzində qalib müəyyənləşmədiyi təqdirdə, əlavə vaxt (hər biri 15 dəqiqədən ibarət iki hissə) təyin olunur. Bu zaman da qalib müəyyənləşməzsə penaltilər seriyası tətbiq olunur.

•1/8 final mərhələsində qalib olan 8 komanda ¼ final mərhələsinə vəsiqə qazanır. ¼  final mərhələsində komandalar 2 oyun (ev, səfər) keçirir və qalib olan komanda Liqanın ½ final mərhələsinə vəsiqə qazanır.

• ½  final mərhələsində oyunlar 2 görüşdən (ev-səfər) ibarət olmaqla təşkil olunacaq. Final və 3-cü yer uğrunda görüş isə neytral meydanda 1 oyundan ibraət olmaqla təşkil olunacaq və oyunun nəticəsinə görə qalib müəyyənləşməzsə, əlavə vaxt (hər biri 15 dəqiqədən ibarət iki hissə) təyin olunur. Bu zaman da qalib müəyyənləşməzsə penaltilər seriyası tətbiq olunur.

• AFFA Region Liqasının qalibi II Liqada iştirak etmək hüququ qazanır. AFFA Region Liqasının finalçısı isə (2-ci yerin sahibi) II Liqada sonuncudan əvvəlki yerdə qərarlaşan komanda ilə neytral meydanda 1 oyundan ibarət pley-off oyunu oynayır. Oyunun nəticəsinə görə qalib müəyyənləşməzsə, əlavə vaxt (hər biri 15 dəqiqədən ibarət iki hissə) təyin olunur. Bu zaman da qalib müəyyənləşməzsə penaltilər seriyası tətbiq olunur və qalib gələn komanda növbəti mövsüm II Liqada oynamaq hüququ qazanır.

• II Liqanın 2025/2026-cı illər mövsümünün  əsasnaməsinə uyğun olaraq zərurət yarandığı təqdirdə AFFA Region Liqasında III yer uğrunda görüşdə iştirak edən komandalar II Liqada iştirak hüququ əldə edə bilərlər.

• II Liqada iştirak üçün daha çox komandalara ehtiyac olarsa, bu zaman PFL-in tələblərinə uyğun olan AFFA Region Liqasında iştirak edən komandalara müraciət edilə bilər.

 

9.2 Qrup mərhələsində qaliblərin müəyyən olunması:

• Qələbəyə görə 3 (üç) xal, heç-heçəyə görə 1 (bir) xal verilir. Məğlubiyyətə görə isə xal verilmir;

• Komandaların xalları bərabər olarsa, turnir cədvəlindəki sıralama aşağıdakı göstəricilərə görə müəyyən olunur;

• Komandaların öz aralarında keçirdikləri oyunların nəticələrinə əsasən;

• Komandaların öz aralarında keçirdikləri oyunlarda vurulmuş və buraxılmış qolların sayına əsasən;

• Bütün oyunlarda vurulmuş və buraxılmış topların fərqinə görə;

• Bütün oyunlarda vurulmuş qolların sayına əsasən;

• Komandaların qələbə saylarına əsasən;

• Ən az qırmızı və sarı vərəqələrə görə toplanmış xalların fərqinə əsasən (sarı vərəqə 1 xal, qırmızı vərəqə 3 xal);

• Komandalar arasında qalibi müəyyənləşdirmək üçün oyunun təşkil olunması.

 

9.3 Region Liqasının oyunları həftənin şənbə və bazar günləri keçirilir. İstisna hal kimi digər günlər AFFA-nın işçi qrupu tərəfindən təyin oluna bilər.

9.4 AFFA-nın işçi qrupu hər ayın əvvəli liqanın aylıq təqvim planını klub və ya komandanın əlaqələndirici şəxsinin elektron poçtuna (e-mail) göndərəcək. Təqvimdə oyunların yerləri, tarixləri, keçirilmə saatları göstəriləcək. Hər bir klub və ya komandanın ələqələndirici şəxsi ay ərzində hər hansı turun ilk oyununun başlamasından ən azı 4 gün öncə oyunun keçirilmə yeri və ya saat dəyişikliyi ilə bağlı müraciət edə bilər. Müraciətlər yalnız yazılı şəkildə və səbəbi göstərilmək şərti ilə qəbul olunacaq.

9.5 Turun ilk oyununun başlamasından 4 gün öncə oyunun keçirilmə yeri, tarixi və ya saat dəyişikliyi ilə bağlı müraciət AFFA-ya daxil olmadığı halda aylıq təqvim planında göstərilən tarix, yer və saat dəyişilməz olaraq qalacaq və oyuna 3 gün qalmış rəsmi məktub klub və ya komandanın əlaqələndirici şəxsinin elektron poçtuna (e-mail) göndəriləcək. Oyun günü və yeri dəyişilməz qaldığı təqdirdə saat dəyişikliyi ilə bağlı müraciət oyuna ən gec 2 gün qalmış edilməlidir.

9.6 Oyunların keçirilmə müddəti yarışın təqvimi ilə müəyyən olunur. Oyunlar iki hissədən ibarətdir. Hər hissə 45 (qırx beş) dəqiqə, hissələrarası fasilə isə 15 (on beş) dəqiqədir. Oyunlarda əvəzetmə oyunun protokolunda adları göstərilmiş futbolçularla həyata keçirilir. Hər komanda 5 əvəzetmədən istifadə edə bilər. Meydan sahibi olan komanda protokolu əvvəl doldurur. Oyunun protokoluna 18 (on səkkiz) futbolçunun (11 əsas, 7 ehtiyat) adı və soyadı yazılır.

 

 

10.1 Oyunlar AFFA tərəfindən təsdiq edilmiş stadionlarda keçirilir. Klublar ev oyunlarını keçirəcəkləri stadionla bağlı təminat məktubunu AFFA-ya təqdim etməlidirlər. AFFA-nın təyin edilmiş nümayəndələri stadionu yoxlamağa ehtiyac gördükdə inspeksiya aparmaq hüququna malikdir. Komanda tərəfindən təminat məktubunda qeyd edilən stadionda AFFA icazə verdikdən sonra komanda rəqiblərini həmin meydanda qəbul edə bilər. Bir stadiondan maksimum 6 komandanın istifadə etmək hüququ var. Stadionla müqaviləni təqdim edən ilk 6 komandanın həmin stadiondan istifadəsinə icazə veriləcəkdir. 7-ci komandanın sənədləri qəbul olunmayacaqdır.

10.2 Fors-major hallarda komanda stadionu dəyişmək üçün AFFA-ya müraciət edə bilər.

10.3 Stadionda standartlara uyğun iki qapı olmalıdır.

 

 

 

 

11.1 Oyun ev sahibi komanda tərəfindən təşkil olunur.

11.2 Təqvimə uyğun olaraq adı birinci yerdə olan komanda ev sahibi hesab edilir.

11.3 Komandalar oyunun başlanmasından 60 dəqiqə öncə oyun keçirilən meydana gəlməlidirlər. (Fors – major hallarına rast gəlinərsə, komanda bu haqda təcili AFFA-nın işçi qrupuna məlumat verməli və AFFA-nın işçi qrupu bu halları araşdırıb müvafiq qərar verməlidir.)

11.4 Yalnız 6 rəsmi şəxsin və 7 futbolçunun ehtiyat oturacaqlarda əyləşməsinə icazə verilir.

11.5 Texniki zonada tütün məmulatlarından və elektron siqaretdən istifadə etmək qadağandır.

11.6 Bütün oyunlar FİFA oyun qaydalarına əsasən keçirilir.

 

 

 

                                                                     

 

12.1 Oyun ərzində hər komanda 3 (üç) dəfə oyunu saxlamaqla 5 (beş) əvəzetmədən istifadə edə bilər. Hissələrarası fasilədə edilən əvəzetmə bu saya daxil deyil.

12.2 Oyun ərzində ehtiyat futbolçular isinmə hərəkətləri  etmək üçün texniki zonanı tərk edə bilər. Oyunun baş hakimi oyundan öncə isinmə hərəkətləri üçün təyin olunmuş yerləri komandalara göstərir. İsinmə hərəkətlərini 5 futbolçu eyni zamanda edə bilər.

Qeyd: Stadionun vəziyyətindən asılı olaraq oyunun baş hakimi eyni vaxtda isinmə hərəkətləri edəcək oyunçuların sayını müəyyən etmək hüququna malikdir.

 

 

13.1 2024/2025-ci illər mövsümündə AFFA Region Liqasında “Yarışların keçirilməsi sistemi” (FCMS) əsasında komandalar tərəfindən doldurulmuş oyunçuların siyahısı olan protokol nümunələri tətbiq olunacaqdır..

13.2 Protokollarda hər hansı dəyişiklik olduğu təqdirdə, komandalar protokolun kağız versiyasını stadiona gətirməli və dəyişikliyi qeyd etməlidir.

13.3 İlk 11-lik kimi protokolda göstərilən futbolçular oyuna başlayır. Digər 7 futbolçu ehtiyat oyunçular üçün nəzərdə tutulan oturacaqlarda əyləşir. Futbolçuların futbol formalarında göstərilən nömrələr, protokoldakı nömrələrlə uyğun gəlməlidir.

13.4 Yalnız ehtiyat futbolçu kimi göstərilən 5 nəfər oyun zamanı meydana daxil ola bilər. Oyun zamanı əvəzlənmiş futbolçu meydana bir daha daxil ola bilməz.

 

                                      

 

14.1 Hər iki komanda tərəfindən elektron protokol hakimə təqdim olunduqdan sonra futbolçuların adlarının protokolda dəyişdirilməsi qadağandır. İstisna hallar aşağıdakılardır:

• Əgər ilk 11-likdə göstərilən hər hansı futbolçunun oyundan öncə fiziki durumu ilə bağlı problemi aşkarlanarsa, o zaman 7 ehtiyat futbolçudan biri ilk 11-liyə daxil oluna bilər. Bu halda oyun ərzində komandanın 5 əvəzetmə ehtiyatı öncədən göstərildiyi kimi qüvvədə qalır.

• Əgər oyun protokolunda göstərilən 7 ehtiyat futbolçudan hər hansı birinin fiziki durumu ilə bağlı problem aşkarlanarsa, o zaman protokolda göstərilməyən, lakin lisenziyası olan digər bir futbolçu ilə əvəzlənə bilər.

 

 

15.1 Əgər komanda oyunda iştirak etməkdən imtina edərsə, AFFA-nın İntizam Komitəsi tərəfindən texniki məğlubiyyət verilir.

15.2 Komanda 3 dəfə oyuna çıxmaqdan imtina edərsə, turnirdən kənarlaşdırılır.

15.3 Liqadan hər hansı bir səbəbə görə kənarlaşdırılan komanda növbəti mövsüm Liqaya buraxılmayacaq.

 

 

Qonaq komanda və hakimlər səfərə çıxmazdan öncə oyunun təxirə salınması

 

16.1  Əgər ev sahibi komanda meydanın oyuna yararsız vəziyyətdə olduğunu müəyyən edərsə, hakimlər və qonaq komanda səfərə çıxmadan öncə dərhal AFFA-nın işçi qrupunu məlumatlandırmalıdır.

Bu halda:

• AFFA meydanın vəziyyətini yoxlamaq üçün öz nümayəndəsini göndərə bilər.

• AFFA meydanın vəziyyətini əks etdirən fotoşəkillərin elektron poçt (e-mail) vasitəsilə təqdim olunmasını tələb edə bilər.

 

Qonaq komanda və hakimlər səfərə çıxdıqdan sonra oyunun təxirə salınması

 

16.2 Bu halda oyunun təxirə salınıb-salınmayacağı ilə bağlı qərarı hakimlər qəbul edəcək.

16.3 Əgər baş hakim oyunun keçirilməsi üçün meydanın yararsız olması ilə bağlı qərar qəbul edərsə, bu halda 24 saat ərzində AFFA-nın işçi qrupu komandalarla razılaşdırdıqdan sonra, oyunun yeni keçirilmə tarixini, saatını və yerini təyin edir. Bu qərar son olaraq dəyişilməz qalır.

16.4 Əgər oyun başladıqdan sonra hər hansı bir səbəbə görə dayandırılarsa, AFFA-nın işçi qrupu klub və ya komandalarla razılaşdırdıqdan sonra oyunu başqa tarixə keçirə bilər, oyun dayandırıldığı dəqiqədən və həmin ana qədər olan nəticə ilə davam etdiriləcəkdir.

16.5 Təxirə salınmış oyunun yenidən keçirilməsi üçün hər bir komandanın tələb olunan xərcləri öz üzərinə düşür.

16.6 Meydanın yararsız vəziyyəti ilə bağlı ardıcıl olaraq 2 oyunu təxirə salan komanda 3-cü oyun üçün oyunlarını mütləq keçirmək üçün meydanla təmin etməlidir.

16.7 Aşağıda göstərilən hallarda klub və ya komanda oyunun təxirə salınması ilə bağlı müraciət edə bilər:

• Meydan yararsız vəziyyətdə olduğu halda

 

 

 

17.1 Oyunları AFFA Hakimlər Komitəsi tərəfindən təyin edilmiş hakimlər briqadası idarə edir və hakimlik FİFA qaydaları əsasında həyata keçirilir. AFFA Hakimlər Komitəsi Region Liqasının oyunlarına 3 nəfərdən ibarət hakimlər briqadası təyin edir (1 baş hakim, 2 yan xətt hakimi).

17.2 Hakimlər briqadası oyundan 60 dəqiqə əvvəl oyunun keçiriləcəyi yerə gəlməlidir.

17.3 Baş hakim oyunun keçirilməsinə cavabdeh olan şəxslərdən tələb etməlidir ki, onlar meydan ilə bağlı olan nöqsanları oyunun başlamasına kimi həll etsin.

17.4 Protokollar oyundan sonra tərtib edilməli və ertəsi gün saat 12:00-a qədər FCMS-də işlənilməlidir.

17.5 Oyundan sonra hakim dərhal oyunun nəticəsini UGYTŞ əməkdaşına sms vasitəsilə göndərməlidir.

 

 

18.1 Bütün qırmızı vərəqələrə AFFA İntizam Komitəsi tərəfindən baxılır. Futbolçular AFFA İntizam Komitəsinin qərarları əsasında cəzalandırılır. Oyun zamanı və oyundan sonra baş verən insidentlərlə bağlı bütün qərarları AFFA İntizam Komitəsi qəbul edir. AFFA İntizam Komitəsinin qərarları AFFA-nın rəsmi internet səhifəsində (www.affa.az) dərc edilir və cəzalı oyunçuların meydanda olub olmamasına görə məsuliyyəti komanda daşıyır.

 

 

18.2 Ötən mövsüm ərzində qırmızı vərəqə almış oyunçu cəzasını tam çəkmədiyi halda, bu cəzanın qalan hissəsi (istisna hallardan başqa) cari mövsümə tətbiq olunmur.

• Ciddi dava-dalaşa görə verilən cəzalar,

• Oyun epizodundan kənarda baş verən xüsusi münaqişələr zamanı verilən cəzalar.

 

18.3 Sarı və qırmızı vərəqələrə görə öhdəlik klubun üzərinə düşür (turu buraxmalı olan oyunçu oyunda iştirak edərsə, məsuliyyəti komanda daşıyır.)

18.4 Oyunçu qırmızı vərəqə alıbsa və oyunçu haqqında AFFA İntizam Komitəsində qərar çıxarılmayıbsa, həmin oyunçu növbəti oyunu buraxır.

18.5 Qırmızı vərəqə alan futbolçu İntizam Komitəsinin çıxaracağı qərara uyğun olaraq, komandanın keçirəcəyi müəyyən olunmuş sayda növbəti oyunu (oyunları) buraxacaqdır.

18.6 Cari mövsüm ərzində mərhələdən asılı olmayaraq dörd sarı vərəqə alan futbolçu növbəti oyunu buraxmalıdır.

18.7 Qrup mərhələsi və 1/8 final mərhələsində futbolçunun aldığı sarı vərəqələr ¼ final mərhələsində sıfırlanacaqdır. Transfer edilən oyunçunun yeni komandada sarı vərəqələri qüvvədə qalır.

18.8 Baş tutmayan oyundan sonra AFFA İntizam Komitəsi tərəfindən texniki məğlubiyyət alan komandanın həmin oyunu buraxmalı olan futbolçularının cəzaları qüvvədə qalır.

18.9 Baş tutmayan oyundan sonra İntizam Komitəsi tərəfindən texniki qələbə alan komandanın həmin oyunu buraxmalı olan futbolçuları cəza çəkmiş hesab olunur.

18.10 Ciddi dava-dalaş, hakimə qarşı aqressiv davranış, xüsusi münaqişələr zamanı istisna hal olaraq AFFA İntizam Komitəsi komandanı liqadan uzaqlaşdırmaq hüququna malikdir.

 

                                                                    19. Etirazlar

 

19.1 Etiraz yalnız aşağıda qeyd olunan 2 (iki) halda qəbul oluna bilər:

• Oyun nəzərdə tutulmuş vaxtdan az oynadıldıqda

• Lisenziyası olmayan oyunçunun oyun zamanı və oyun bitdikdən sonra aşkar edilməsi

19.2 Etiraz edən baş məşqçi 48 saat ərzində öz etirazını elektron poçt vasitəsilə [email protected] ünvanına göndərməlidir.

 

 

20.1 Region Liqasında ilk 3 yeri tutan komandaların futbolçuları və baş məşqçiləri müvafiq olaraq qızıl, gümüş və bürünc medallarla, AFFA-nın diplomları və pul mükafatı ilə təltif olunur.

20.2 Region Liqasında ilk 3 yeri tutan komandalara pul mükafatı təqdim olunur. 1-ci yer 10.000 (on min) AZN, 2-ci yer 5000 AZN (beş min), 3-cü yer 2000 AZN (iki min).

20.3 Mövsümün sonunda liqanın ən məhsuldar oyunçusu və ən yaxşı futbolçusu seçilir və onlar da hədiyyələrlə mükafatlandırılır.

 

 

 

21.1 Oyunun işıqlandırılması üçün (video və foto çəkilişin aparılması) mətbuat nümayəndələrinə ev sahibi komanda tərəfindən müvafiq şərait yaradılmalıdır.

 

 

22.1 Komanda hər hansısa reklam baneri yerləşdirmək istədiyi halda, AFFA ilə razılaşdırmalıdır.

 

 

23.1 Azərbaycan Respublikası ərazisində hansısa fors-major halla bağlı xüsusi rejimlər tətbiq olunarsa, bu zaman futboldakı qaydalar da buna uyğunlaşdırılacaq və bunlar müvafiq qurumlara, eləcə də AFFA-nın işçi qrupuna rəsmi tənzimləmələr şəklində göndəriləcək.

23.2 Bu Əsasnamə AFFA Region Liqası 2024/2025 mövsümünü əhatə edir.

23.3 Bu Əsasnamə 5 mart 2025-ci il tarixdən etibarən qüvvəyə minir və 1 iyun 2025-ci il tarixədək qüvvədədir.

23.4 Mövsüm ərzində Əsasnaməyə dəyişikliklər və əlavələr bu Əsasnaməyə əlavə mətnin təsdiqlənməsi ilə aparıla bilər. Dəyişikliklər barədə komanda nümayəndələrinə məlumat verilməlidir.