Millimizin heyəti açıqlanıb

A Milli Dərc olundu: 30.08.2024 Çap

Azərbaycan milli komandasının UEFA Millətlər Liqasının qrup mərhələsinin ilk iki turunda İsveç və Slovakiya yığmalarına qarşı keçiriləcək oyunlar üçün heyəti müəyyənləşib.

Millimizin baş məşqçisi Fernandu Santuş AFFA-nın inzibati binasında təşkil edilən mətbuat konfransında komandaya dəvət etdiyi futbolçuların adlarını açıqlayıb.

Portuqaliyalı mütəxəssis sentyabrın 2-dən təlim-məşq toplanışına başlayacaq heyətə aşağıdakı oyunçuları dəvət edib:

S.	Ad/Soyad	Klub
1	Mehdi Cənnətov	Sumqayıt
2	Rza Cəfərov	Neftçi
3	Yusif İmanov	Sabah
4	Amin Seydiyev	Sabah
5	Qismət Alıyev	Zirə
6	Abbas Hüseynov	Qarabağ
7	Şəhriyar Əliyev	Turan Tovuz
8	Rahil Məmmədov	Radomiak Radom, Polşa
9	Bədavi Hüseynov	Qarabağ
10	Bəhlul Mustafazadə	Qarabağ
11	Elvin Cəfərquliyev	Qarabağ
12	Elvin Camalov	Sabah
13	Coşqun Diniyev	Bandırmaspor, Türkiyə
14	Aleksey İsayev	Qarabağ
15	Xəyal Nəcəfov	Turan Tovuz
16	Emin Mahmudov	Neftçi
17	Emil Mustafayev	Polesye, Ukrayna
18	Ceyhun Nuriyev	Zirə
19	Ozan Can Kökçü	HJK, Finlandiya
20	Toral Bayramov	Qarabağ
21	Ramil Şeydayev	Neftçi
22	Nəriman Axundzadə	Qarabağ
23	Rüstəm Əhmədzadə	Zirə
24	Renat Dadaşov	Ankaragücü, Türkiyə

Millimiz sentyabrın 2-də və 3-də, saat 18:00-da “Azersun Arena”da məşq keçəcək. Sentyabrın 4-də, saat 19:00-da isə Tofiq Bəhramov adına Respublika Stadionunda oyunöncəsi son məşq olacaq. Komanda İsveç yığması ilə oyundan bir gün sonra - sentyabrın 6-da, saat 16:00-da Slovakiyanın Koşitse şəhərinə yola düşəcək. Baş məşqçi Fernandu Santuş komandanı sentyabrın 7-də, Bakı vaxtı ilə saat 20:00-da Koşitse Futbol Arenasında Slovakiya seçməsi ilə oyunöncəsi son məşqə çıxaracaq. Sentyabrın 8-də baş tutacaq qarşılaşmadan sonra komanda Bakıya yola düşəcək.

Qeyd edək ki, Azərbaycan milli komandası C liqasının I qrupu çərçivəsində sentyabrın 5-də Tofiq Bəhramov adına Respublika Stadionunda İsveç yığması ilə, sentyabrın 8-də isə Koşitse Futbol Arenasında Slovakiya seçməsi ilə qarşılaşacaq. Hər iki oyun eyni vaxtda – saat 20:00-da başlayacaq.