Qadın futbolçulardan ibarət Azərbaycan milli komandasının 2027-ci il UEFA Millətlər Liqasının qrup mərhələsində keçirəcəyi oyunların tarixləri və təqvimi müəyyənləşib.
Baş məşqçi Siyasət Əsgərovun rəhbərlik etdiyi kollektiv C Liqasının 2-ci qrupunda Latviya, Gürcüstan və Lixtenşteyn yığmaları ilə qarşılaşacaq.
Millimiz ilk oyununu martın 2-də evdə Lixtenşteynə qarşı keçirəcək. Martın 6-da səfərdə Gürcüstanla qarşılaşacaq yığmamız aprelin 20-də yenidən səfərdə Latviya ilə üz-üzə gələcək. Aprelin 24-də Gürcüstanı qəbul edəcək komandamız iyunun 11-də Latviya ilə evdə, iyunun 15-də isə səfərdə Lixtenşteynlə qarşılaşacaq.
