Azərbaycanın UEFA Çempionlar Liqasındakı təmsilçisi “Qarabağ” bu gün II təsnifat mərhələsində ilk oyununa çıxıb. Komanda Cəbəllütariqdə yerli “Linkoln” kollektivinin qonağı olub.
“Europa Point” stadionunda keçirilən görüşdə Azərbaycan çempionu 2:0 hesablı qələbə qazanıb. Təmsilçimizin heyətində qolları 45+2-ci dəqiqədə Juninyo Olavio və 75-ci dəqiqədə Toral Bayramov vurublar.
Komandalar arasında cavab oyunu iyulun 30-da, saat 20:00-da Tofiq Bəhramov adına Respublika Stadionunda baş tutacaq.
