Oktyabrın 30-da Hövsan Yarış Kompleksində keçirilən qarşılaşmada Azərbaycan millisi Əfqanıstan yığmasına penaltilər seriyasında 2:3 hesabı ilə məğlub olub. Oyunun əsas vaxtı 3:3 hesabı ilə başa çatıb. Millimizin heyətində Həsən Məhmədov və Qafar Babayev fərqləniblər. Bir qol isə avtoqol nəticəsində qeydə alınıb.
Qeyd edək ki, turnirdə son oyununu keçirən Azərbaycan millisi C səbətində 20-ci, ümumi reytinqdə isə 84-cü yeri tutub. Komandamız turnir ərzində ümumilikdə 10 oyun keçirib və bu qarşılaşmaların 5-də qələbə qazanıb. Millimiz turnir boyunca rəqib qapılarına 26 qol vurub.
Turnirin oyunlarının nəticələri və təqvimi ilə match.affa.az/fifa-u15 saytı vasitəsilə tanış olmaq mümkündür.
Qeyd edək ki, 189 ölkədən komandaların qatıldığı turnir bu gün başa çatır. Yarışın final qarşılaşmaları Bakı Kristal Zalında keçiriləcək.
