FIFA referisi Əliyar Ağayev növbəti təyinat alıb. Ə.Ağayev UEFA Avropa Liqasının Liqa mərhələsi çərçivəsində keçiriləcək “Yanq Boyz” (İsveçrə) – “Lion” (Fransa) matçının baş hakimi olacaq.
Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Tural Qurbanov yerinə yetirəcək. İspaniyalı Gilyermo Kuadra Fernandes VAR, digər həmyerlimiz Nicat İsmayıllı AVAR kimi fəaliyyət göstərəcək.
Qarşılaşma yanvarın 22-də Bern şəhərindəki “Vankdorf” stadionunda keçiriləcək.
