Azərbaycanın UEFA Çempionlar Liqasındakı təmsilçisi “Sabah” 2026/2027-ci illər mövsümündə ilk oyuna çıxıb. Bakı klubu I təsnifat mərhələsi matçında Uelsin TNS komandasını qəbul edib.
“Bank Respublika Arena”da keçirilən görüş Azərbaycan çempionunun 2:0 hesablı qələbəsi ilə yekunlaşıb. “Sabah”ın heyətində qolları 66-cı dəqiqədə Velko Simiç və 84-cü dəqiqədə Kahim Parris vurublar.
Komandalar arasında cavab oyunu iyulun 14-də Uelsdə keçiriləcək.
