Azərbaycanın UEFA Konfrans Liqasındakı təmsilçisi “Neftçi” bu gün II təsnifat mərhələsində cavab oyununa çıxacaq. Bakı klubu Belarusun “Dinamo” (Minsk) komandasının qonağı olacaq.
Bolqarıstanın Stara Zaqora şəhərində yerləşən “Beroe” stadionunda keçiriləcək görüş Bakı vaxtı ilə saat 21:00-da başlanacaq. Şimali İrlandiyadan olan hakimlər briqadasının idarə edəcəyi qarşılaşma “İctimai TV” vasitəsilə canlı yayımlanacaq.
Qeyd edək ki, Bakıda baş tutan ilk oyunda “Dinamo” 4:2 hesablı qələbə qazanıb.
30 iyul
21:00. “Dinamo” (Minsk, Belarus) - “Neftçi” (Azərbaycan)
Baş hakim: Tim Marşall
Baş hakimin köməkçiləri: Georgios Arqiropulos, Rayan Kelsi
Dördüncü hakim: Şeyn Makkoniql
(Hakimlər briqadası Şimali İrlandiyadandır)
“Beroe” stadionu
