Azərbaycan milli komandası UEFA Millətlər Liqasında növbəti oyununa çıxıb.
C liqasının I qrupunda yer alan komandamız Bakıda Slovakiya yığmasını qəbul edib. Tofiq Bəhramov adına Respublika Stadionunda keçirilən görüş qonaqların 3:1 hesablı qələbəsi ilə yekunlaşıb. Millimizin heyətində qolu 38-ci dəqiqədə Toral Bayramov vurub. 70-ci dəqiqədə isə Mahir Emreli qırmızı vərəqə alaraq meydanı tərk edib.
Qeyd edək ki, Azərbaycan milli komandası qrupda növbəti matçını noyabrın 16-da evdə Estoniya yığmasına qarşı keçirəcək.
