Azərbaycanın UEFA Çempionlar Liqasındakı təmsilçisi “Sabah” bu gün pley-off mərhələsində cavab matçına çıxacaq. Bakı klubu İsrailin “Hapoel” (Beer-Şeva) komandasını qəbul edəcək. Tofiq Bəhramov adına Respublika stadionunda keçiriləcək görüş Bakı vaxtı ilə saat 20:45-də başlanacaq. Rumıniyalı hakimlər briqadasının idarə edəcəyi qarşılaşma “İctimai TV” vasitəsilə canlı yayımlanacaq. Qeyd edək ki, “Sabah” ilk oyunda 1:2 hesabı ilə məğlub olmuşdu.
25 avqust
20:45. “Sabah” (Azərbaycan) - “Hapoel” (Beer-Şeva, İsrail)
Baş hakim: İştvan Kovaç
Baş hakimin köməkçiləri: Mihay Marika və Ferens Tunyoqi
Dördüncü hakim: Şabolç Kovaç
VAR: Bastian Dankert (almaniyalı)
AVAR: Ketelin Popa (rumıniyalı)
Bakı, Tofiq Bəhramov adına Respublika stadionu
