Azərbaycanın UEFA Konfrans Liqasındakı təmsilçisi “Zirə” I təsnifat mərhələsində cavab oyununa çıxıb. Bakı klubu Gürcüstanın “Torpedo” (Kutaisi) komandasının qonağı olub.
“Zirə” evdə baş tutan ilk oyunda olduğu kimi, Kutaisi şəhərində yerləşən “Şengelia Arena”dakı görüşdə də rəqibini 3:0 hesabı ilə məğlub edib. Təmsilçimizin heyətində qolları 25 və 70-ci dəqiqələrdə Eren Aydın, 39-cu dəqiqədə isə Amin Seydiyev vurublar.
Beləliklə, “Zirə” II təsnifat mərhələsinə adlayıb. Qəsəbə komandasının bu raunddakı rəqibi Estoniya klubu “Payde” olacaq. Bu mərhələnin matçları iyulun 23-də və 30-da keçiriləcək. Təmsilçimizin ilk oyunu səfərdə olacaq.
