UEFA Çempionlar Liqasındakı təmsilçimiz “Qarabağ” bu gün turnirin üçüncü təsnifat mərhələsinin cavab oyununda Macarıstanın "Ferentsvaroş" klubu ilə qarşılaşacaq. Budapeşt şəhərindəki “Ferencvaros Stadion”da Bakı vaxtı ilə saat 22:00-da başlayacaq oyun CBC Sport televiziya kanalı vasitəsilə canlı yayımlanacaq. Qarşılaşmanı İspaniyadan olan hakimlər idarə edəcək:
"Ferentsvaroş" - “Qarabağ”
9 avqust. Budapeşt. Ferencvaros stadionu. Saat 22:00
Baş hakim: Carlos del Cerro Grande
Baş hakimin köməkçiləri: Jose Naranjo, Gonzalo Garcia Gonzalez
Dördüncü hakim: Miguel Angel Ortiz Arias
VAR hakimi: Xavier Estrada Fernandez
VAR köməkçi hakim: İgnacio İglesias Villanueva
Qeyd edək ki, bu komandalar arasında bir həftə əvvəl Bakıda keçirilmiş ilk oyun 1:1 hesabı ilə nəticələnib.
