Boulevard Hotel Baku

 AFFA ilə Boulevard Hotel Baku arasında sponsorluq müqaviləsi 1 sentyabr 2015-ci ildə bağlanılıb. AFFA-nın baş katibi Elxan Məmmədov və Boulevard Hotel Baku otelinin meneceri Valentin Osolos çıxış edərək əməkdaşlığın uzunmüddətli və hər iki tərəf üçün faydalı olacağına ümid etdiklərini bildiriblər.
Çıxışlardan sonra Elxan Məmmədov və Valentin Osolos AFFA ilə Boulevard Hotel Baku arasında sponsorluq müqaviləsini imzalayıblar.
Tərəflər bir-birinə xatirə hədiyyələri təqdim edib. AFFA-nın hədiyyəsi – üzərində milli komandanın futbolçularının imzası olan futbolka Azərbaycan milli komandasının baş məşqçisi Robert Prosineçki tərəfindən təqdim olunub.
Qeyd edək ki, müqaviləyə əsasən, Boulevard Hotel Baku Azərbaycan milli komandalarına və AFFA-nın təşkilatçılığı ilə keçirilən U-15 Liqasına sponsorluq edəcək.
Boulevard Hotel Baku “Absheron Hotel Group”un Azərbaycanda istifadəyə verdiyi sayca dördüncü oteldir. Adını dənizkənarı parkdan götürmüş və Bakı buxtasında, şəhər mərkəzindən şərqdə yerləşən Boulevard Hotel Azərbaycanın ən böyük konfrans oteli olmaqla qonaqlara 818 ecazkar rahatlığa malik otaqlar təklif edir. Boulevard Hotel paytaxtın başlıca işgüzar və mədəni mərkəzlərinə tez bir zamanda çatmaq üçün əlverişli məkanda  yerləşir və qonaqlara vaxtlarını səmərəli keçirmək üçün hər cür imkanlar təklif edir. Boulevard Hotel Baku-nun memarı dünyaca məşhur və bir çox mükafatlara layiq görülmüş Reardon Smith Architects şirkətidir. Boulevard Hotel Baku qonaq otaqları döşəmədən tavanadək olan pəncərələrindən Xəzər dənizinə açılan möhtəşəm mənzərəsi, işgüzar və ya istirahət məqsədilə gələn qonaqların rahatlığını təmin edəcək müasir üslublu mebel və komfortlu yataqları ilə seçilir. Otel otaqlarının interyeri məşhur memarlıq şirkətlərindən olan Robert Angell Design, dəhliz və digər ərazilər isə MKV Design tərəfindən dizayn edilmişdir. Otelin hər üç qidalanma obyektinin unikal bədii konsepti Blue Sky Hospitality dizayn şirkəti tərəfindən yaradılmışdır. Ən xırda detalların belə nəzərə alındığı qeyri-adi interyer otelin tarixini, müasir dizaynla uyğunlaşdırılmış irsini, kosmopolit dinamikliyini və qlobal məlumatlılığı özündə cəmləşdirir. Boulevard Hotel Baku 1000-dən çox iştirakçının iştirak edə biləcəyi müxtəlif formatlı tədbirlərin həyata keçirilməsi üçün ümumi ərazisi 1 300 kvadrat metr olan böyük, sütunsuz və gün işığı ilə işıqlanan ziyafət zalını qonaqlara təqdim edir. Ziyafət zalı 500 nəfərlik toy mərasimləri və 700 nəfərlik qala gecələrinin təşkil olunması üçün hər cür şəraitə malikdir. Binanın içərisində yerləşən ecazkar bağça, foye və nisbətən kiçik sahəyə malik altı otaq hotelin möhtəşəm abu-havasını tamamlayır. Kiçik otaqlar müxtəlif miqyaslı görüşlərin, treyninqlərin, təqdimatların, müsahibə və özəl şam yeməklərinin təşkil olunması üçün nəzərdə tutulub.